Imaxes da VII Xornadas

Clicando na imaxe poderedes ver as fotografías das VII Xornadas

Tríptico das Xornadas

Xantar VII Xornadas. Indicacións para chegar.

Os asistentes ás VII Xornadas da FEGADICEP que se anotaron ao xantar deberán dirixirse ao resturante Pedra Santa, próximo ao lugar de celebración das Xornadas, ao remate da sesión de formación.
O importe do xantar aboarase no propio local ao chegar.

VII Xornadas FEGADICEP: "Xestión pedagóxica e administrativa. O día a día do Equipo Directivo".

O 29 de marzo de 2017 celebraremos en Santiago as VII Xornadas da FEGADICEP co título .
“Xestión pedagóxica e administrativa. O día a día do Equipo Directivo.”
O lugar de celebración será CERSIA:
Rúa do Alcalde Raimundo López. Pol. Santiago de Compostela, Tel. 981 54 24 93

Programa:
9:30 - 10:00: Recepción dos asistentes.
10:00 – 12:00: -Documentos de xestión do centro.
Ponente: Federico Pérez Morán
12:00 – 12:30: Descanso
12:30 – 14:00 : -Aspectos básicos na xestión económica dun centro educativo.
Ponente: Dositeo Fernández Fuente.
14,00: Clausura.
14,30: Xantar
Para formalizar a inscrición precisamos que nos enviedes cuberto o seguinte cuestionario: Cuestionario de inscrición.
Aparcamento: tedes moi próximo ao lugar da actividade o aparcadoiro do estadio de San Lázaro.

A data límite para inscribirse nas VII Xornadas será o xoves 23 de marzo.
Inscrición gratuíta

Xantar:
O xantar ten un custo aproximado de 30,00€.

Tríptico informativo das VII Xornadas.

Homenaxe a Xosé Antonio Pardo

Xosé Antonio Pardo Cuñarro reicibiu unha merecida homenaxe con motivo da súa xubilación. A Federación de Equipos Directivos FEGADICEP e a Asociación de Directores de Santiago organizáronlle un xantar que compartimos con directores e directoras da bisbarra que tamén se xubilaron recentemente.
Asistiron ao acto, ademais de moitos directores e directoras da bisbarra, representantes das Asociacións de Galicia que integran a Federación que Xosé Antonio presidiu ata hai uns meses. Tamén compartiron o xantar  o Xefe Territorial da Consellería de Cultura e Educación, Indalecio Cabana Leira, e o Xefe do Servizo de Inspección da Coruña, Fermín Álvarez Lata. Foi un acto moi emotivo no que todos os asistentes loubaron a traxectoria profesional do homenaxeado que sempre se destacou polo da defensa do ensino público.
Xosé Antonio exerceu a dirección no CEIP Vite I e foi así mesmo integrante da Xunta Provinvial de Directores da Coruña e da Xunta Autonómica. Desde a Federación de Equipos Directivos de Galicia queremos agradecerlle o seu traballo e esforzo e desexámoslle que disfrute desta nova etapa e que poida vivila coa mesma intensidade que a súa vida profesional.

Imaxes das VI Xornadas

VI Xornadas da FEGADICEP “Dirección de centros públicos: Educar na era dixital”

O 4 de febreiro de 2015 celebraremos en Santiago as VI Xornadas da FEGADICEP e que este ano titulamos “Dirección de centros públicos: Educar na era dixital”.

O lugar de celebración será CERSIA (Rúa do Alcalde Raimundo López. Pol. Santiago de Compostela, Tel. 981 54 24 93).
Programa:
9,30. Recepción dos asitentes.
10-14. Ponencia.
Haberá un pequeno receso a media mañá para tomar un café.

A ponencia das Xornadas será impartida por D. Ángel I. Pérez Gómez.

Para formalizar a inscrición precisamos que nos enviedes cuberto o seguinte cuestionario: Cuestionario de inscrición.

Aparcamento: tedes moi próximo ao lugar da actividade o aparcadoiro do estadio de San Lázaro.

Imaxes das V Xornadas (2ª parte)

Modificación do lugar de celebración das V Xornadas (2ª parte)

Un imprevisto obrigounos a cambiar o lugar de celebración da 2ª parte das V Xornadas, inicialmente previsto en CERSIA, como se tiña informado.
O novo lugar de celebración é o IES As Fontiñas, (Calle Fontiñas, 15707 Santiago de Compostela, 
Teléfono: 981 57 34 40) moi próximo ao lugar inicialmente programado. Nas proximidades atópase Área Central e é fácil atopar aparcamento. No plano que vai a continuación tedas a ubicación do IES As Fontiñas e, para os que quededes ao xantar, do restaurante.

Para formalizar a inscrición , aqueles que aínda non o fixerades, precisamos que nos enviedes cuberto o seguinte cuestionario: Cuestionario de inscrición.

Para as e os que desexedes quedar a xantar (Restaurante Paz Nogueira situado no mapa que se anexa ao final Menú), dicirvos que o importe do xantar é de 25 euros. Os que non sexades socios de ningunha das asociacións que integran a Federación, o ingreso do importe do xantar deberedes facelo na conta de Novagaliciabanco 2091-0343-74-3040007650  

O xustificante do ingreso deberá enviarse por correo electrónico, indicando o nome e apelidos do asistente, a: fegadicep@gmail.com

Para os socios, cada Asociación encargarase de recadar o importe do xantar dos seus asociados.

Clicando nos iconos tedes a ubicación do lugar de celebración e/ou do restaurante, enlaces web e, facilitando o lugar de orixe, poderedes  obter a ruta para chegar.


Ver V Xornadas: IES As Fontiñas e restaurante en un mapa más grande

V Xornadas (2ª parte): "As TIC: novos retos. Outras solucións"

O 14 de marzo de 2014 celebraremos en Santiago a 2ª parte das V Xornadas da FEGADICEP e que este ano titulamos “As TIC: novos retos”. Lembramos que a primeira parte xa tivo lugar o 27 de novembro de 2013 co título "Apple en Educación". 

Nesta ocasión o lugar de celebración será CERSIA (Rúa do Alcalde Raimundo López. Pol. Santiago de Compostela, Tel. 981 54 24 93) Tedes a situación do lugar de celebración no mapa que se anexa ao final desta información.

Programa e contidos:

1. Escudo WEB. Proteccion de menores - Uso en Mobilidade - Novidades. Version gratis e versión de pago
2. STI:
      -PDi + VideoProxector ultracorto / Comentario sobre PDi LED táctiles
      -Presentación de Cámara Documentos / Realidade aumentada.
      -Presentación Tablet Multiclass
      -Breve comentario sobre Laboratorio Idiomas
3. Aplicacións para Android.
4. Presentacion da PSS (Pantalla sen SOMBRA).
Díptico.

Horario:

9:30 horas: Entrega de documentación

10:00 horas: Presentación e primeira parte.

12:00 horas: Descanso

12:30 horas: Parte final.

Ponentes

-Presentación a cargo de José Juan Nimo, responsable da empresa DISMEDIA.

-Escudo web: Carlos Rueda Galán. Técnico en Informática e Técnico en Electrónica de Telecomunicacións. Xerente da empresa Eboratech, adicada á informática. Empresa especializada en educación na provincia de Toledo. Dende o ano 2010 creador e responsable do Escudo Web Software. Fabricante de software de seguridade aplicado á educación, o fogar e a empresa. Creador da Suite Educativa Escudo Web. Control de Aula, Filtro de Internet e Localizador por IP e GPS.

-Informacion sobre STI: Jose Antonio Sánchez (Delegado Comercial) que é responsable de Marketing de STI.

Para formalizar a inscrición precisamos que nos enviedes cuberto o seguinte cuestionario: Cuestionario de inscrición.

Para as e os que desexedes quedar a xantar (Restaurante Paz Nogueira situado no mapa que se anexa ao final Menú), dicirvos que o importe do xantar é de 25 euros. Os que non sexades socios de ningunha das asociacións que integran a Federación, o ingreso do importe do xantar deberedes facelo na conta de Novagaliciabanco 2091-0343-74-3040007650  

O xustificante do ingreso deberá enviarse por correo electrónico, indicando o nome e apelidos do asistente, a: fegadicep@gmail.com

Para os socios, cada Asociación encargarase de recadar o importe do xantar dos seus asociados.

Mapa: lugar da actividade e restaurante para o xantar.

Aparcamento: tedes moi próximo ao lugar da actividade o aparcadoiro do estadio de San Lázaro.

Ver V Xornadas: Cersia e restaurante en un mapa más grande

Imaxes das V Xornadas

V XORNADAS FEGADICEP

Estatística folga xeral 24 de outubro 2013

	Nº de alumnos do centro	Nº de alumnos que non asiste ás clases	Nº total plantilla profesorado	Nº total profesores que secundan a folga	Nº de persoal non docente	Nº total de persoal non docente que secunda a folga	nº centros
A Coruña	45217	30371	4206	1809	459	45	191
Lugo	8493	3756	1002	294	160	9	57
Ourense	6953	4511	741	283	109	12	42
Pontevedra	33687	25773	3139	1465	245	19	149
Total	94350	64411	9088	3851	973	85	439
Porcentaxe Galicia		68,2%		42,3%		8,7%

Porcentaxe por provincias:

	Alumnado que non asistiu a clase	Profesorado que asumíu a folga	Persoal non docente que asumíu a folga
A Coruña	67,00%	43%	9,80%
Lugo	44,20%	29,30%	5,60%
Ourense	64,80%	38,00%	11,00%
Pontevedra	76,50%	46,60%	7,70%

V Xornadas: "Apple en Educación"

O 27 de novembro celebraremos en Santiago as V XORNADAS da FEGADICEP e que este ano titulamos As TIC: novos retos.
Esta actividade de formación desenvolverase en varias sesións, e a primeira será "Apple en Educación" o mencionado día. Quedando para o segundo trimestre outras plataformas.

Programa:
09,30-10,00h         Benvida e presentación (AS Compputer)
10,00-10,30h         Apple en educación (Jose V Climent)
10,30-11,15h         Aprendendo co iPad (apps, ibooks, itunes U) (ADEs)
11,15-11,45h         Descanso
11,45-12,30h         Caso 1 (Ignacio Martín)
12,30-13,15h         Caso 2 (José Ramón Navarro)
13,15-13,30h         Peche

Para formalizar a inscrición precisamos que nos enviedes cuberto o cuestionario que vos indicamos neste enlace:

https://docs.google.com/forms/d/1TMAIpHanPsnHPdun3jT2_HszDR0B2Ztwg3_YBMtSNt8/viewform

Para as e os que desexedes quedar a xantar connosco, dicirvos que o importe do xantar é de 35 euros. Os que non sexades socios de ningunha das asociación que integran a Federación, o ingreso deberedes facelo na conta de Novagaliciabanco 2091-0343-74-3040007650

O xustificante do ingreso enviarase por correo electrónico, indicando o nome e apelidos do asistente, a: fegadicep@gmail.com

Para os socios, cada Asociación encargarase de recadar o importe do xantar.

Novas sobre a Orde de admisión

Nos centros estamos pendentes da publicación da Orde de admisión para iniciar todo proceso de reserva de prazas e admisión de novo alumnado.
Recibimos información de que as datas que se están barallando son:
-Reserva de praza nos centros de adscrición: do 18 ao 22 de marzo (coméntase da posibilidade de que a reserva se presente no centro actual e este dea traslado ao centro receptor do alumnado).
-Sorteo da letra para desempates: antes do 5 de abril.
- Publicación dos postos vacantes: antes do 5 de abril. 
- Presentación de solicitudes de praza: do 5 ao 12 de abril. 
- Presentación de documentación: do 18 ao 26 de abril.
- Publicación de listaxes provisionais de admitidos: antes do 10 de maio. 
- Publicación de listaxes definitivas de admitidos: antes do 31 de maio. 
Os prazos de matrícula mantéñense nos mesmo prazos que contemplaba a anterior Orde.
Reiteramos que son datas oficiosas que se deberán confirmar coa publicación da Orde no DOG que podería ser arredor o 14 de marzo.

A FEGADICEP, respectando as decisións e autonomía de cada Centro, recomenda que no referido ao artigo 9.3.i)* do Decreto 254/2012 se propoña a aprobación polo consello escolar do Centro como criterio obxectivo a baremar, valorado con 1 punto, por elección de centro público.

Se temos algunha nova máis farémola chegar.

*DECRETO 254/2012, do 13 de decembro, polo que se regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
.../...
Artigo 9. Criterios xerais de admisión do alumnado.
3. Naqueles centros sostidos con fondos públicos onde non existan prazas suficientes para atender todas as solicitudes, e unha vez adxudicadas as prazas que proceda en aplicación do establecido no número anterior, o proceso de admisión rexerase, en todo caso, polos seguintes criterios e a súa valoración:
.../...
i) Por criterios complementarios consistentes noutras circunstancias relevantes apreciadas xustificadamente polo órgano competente do centro, de acordo con criterios obxectivos, e que terán que facerse públicos polos centros con anterioridade ao inicio do proceso de admisión: 1 punto.

IV Xornadas: Novos tempos, novos retos para as direccións dos centros públicos.

Data: Santiago de Compostela, 31 de outubro de 2012.
Lugar: CIFP Politécnico de Santiago

Programa da actividade:
9:30 - 10:00. 
Entrega de carpetas e presentación das   IV Xornadas.
10:00 – 11:30.  
-Panorama xeral da dirección dos centros públicos en Cataluña.
-Principais novidades na Lei de Educación de Cataluña (LEC)
-O futuro da dirección. Análise de intencións na LOMCE
11:30 – 12:00 
Descanso
12:00 – 14:00 
-Coloquio.
14,00
Clausura.
14,30:
Xantar

Inscrición na xornada:
Os socios das asociacións integrantes de  FEGADICEP inscribiranse a través de cada unha delas.
Os non socios poderanse inscribir por correo electrónico ao enderezo: fegadicep@gmail.com 
A data límite para inscribirse nas IV Xornadas será o xoves 25 de outubro.
Inscrición gratuíta para socios e aboando 15 € os non socios, que se deberán ingresar antes do día 25 na conta de Novagalicia banco 2091-0343-74-3040007650. 
O xustificante do ingreso enviarase no correo electrónico xunto cos datos persoais. 

Xantar:
O xantar ten un custo de 30,00€. 
Aqueles asistentes que vaian quedar a xantar deberán seguir as mesmas instruccións que para inscribirse nas Xornadas, segundo sexan socios ou non. 

Ponente:
Mestre, licenciado en Historia e Xeografía e licenciado en Ciencias da Educación, especialidade Organización e Xestión de Centros.
Experiencia:
- Profesor de EXB en Lleida e Barcelona
- Profesor de Secundaria
- Profesor asociado da Universidade de Barcelona .
- Secretario, Xefe de estudos e Director de centro. 
- Inspector de Educación e inspector xefe adxunto en Lleida
Actividades:
- Presidente daAsociación de Inspectores de Educación de Cataluña (2008-2010).
- Presidente de FEAE de Cataluña (2004-2007).
- Presidente estatal de FEAE (Fórum Europeo de Administradoras da Educación), asociado ao European Forum of Administration on Education, asociación instaurada en 23 países europeos. Dende o 2009 ata agora.
- Presidente do consello editorial da revista OGE (Organización y Gestión Educativa).
- Membro do Consello asesor das revistas GUIX e AULA
- Autor numerosos artigos en revistas especializadas.

Lugar de celebración:
CIFP Politécnico de Santiago
Avda.Rosalia de Castro 133. 
Santiago de Compostela.
A Coruña
(Na entrada a Santiago polo Sur, ao lado do Hotel Peregrino)
Teléf.: (981)522062 Fax: (981)520133
correo electrónico: cifp.politecnico.santiago@edu.xunta.es 

Resultado da enquisa aos centros

COMPARACIÓN DOS INGRESOS  RECIBIDOS  DA CONSELLERÍA PARA GASTOS DE FUNCIONAMENTO ENTRE OS ANOS 2007 E 2011

(Datos enviados por 119 colexios públicos de infantil e primaria)

CONCLUSIÓN  FINAL: En relación ao 2007,  os centros de ensino galegos recibiron para o ano 2011 un 25,10 % menos de diñeiro para gastos de funcionamento.

1.- DIÑEIRO RECIBIDO PARA GASTOS DE FUNCIONAMENTO

	2007	2011	VARIACIÓN
Cantidade total dos 119 centros	1.771.723 €	2.170.948 €	+ 399.225 €
Cantidade media por centro	14.888 €	18.243 €	+ 3.355

2.- No 2007 o gasóleo de calefacción era a cargo dos concellos e a partir dese curso pasou a formar parte dos gastos de funcionamento dos centros, polo que para facer a comparación o lóxico é ter en conta o diñeiro empregado no 2011 para esa partida.

* Diñeiro gastado no 2011 polos 119 centros en gasóleo: 657.935€

* Media de diñeiro de gasóleo por centro: 5.528 €

Se restamos ao diñeiro recibido o gasto de gasóleo,  a cantidade que queda por centro no ano 2011 para gastos de funcionamento estrito queda en 12.715 €, é dicir 2.173 € menos que a recibida no 2007

Gastos funcionamento 2007	14.888 €
Gastos funcionamento 2011 menos diñeiro para gasóleo	12.715 €
Porcentaxe de perda respecto ao 2007	- 14,60 %

3.- Variación do IPC entre os dous anos

Entre xaneiro de 2007 e decembro de 2010 o IPC acumulado en España, segundo datos do instituto nacional de estatística, foi de 10,5. Polo tanto ese dato debe engadirse ao anterior para ter unha idea exacta de cal foi realmente a diminución do diñeiro recibido polos centros para gastos de funcionamento

Porcentaxe de perda entre 2007 e 2011	14,60
Variación do IPC neses anos	10,5
PORCENTAXE DE DISMINUCIÓN REAL	25,10

 4. As opinión das direccións

A isto hai que engadir a nova política dos gastos de funcionamento por gastos de telefonía.

As subidas constantes do gasóleo non permiten que os centros poidan axustar o seu orzamento tal como estaba previsto.

Moitos centros, debido a non substitución dos aparellos informáticos por parte da Consellería, tentan manter os seus sistemas informáticos adquirindo computadores de segunda man.

Enorme gasto en consumibles e reparación dos sistemas por non estar en garantía.

Retraso nos ingresos: inicial, partidas finalistas, programas específicos, etc.

Os centros de atención preferente con alumnado motorice ou necesidades específicas de atención educativa non reciben ningunha achega económica a maiores.

*Para visualizar mellor as imaxes picar sobre elas.

Enquisa aos centros: gastos de funcionamento

Os gastos de funcionamento dos colexios son claramente insuficientes. Curso a curso increméntanse as necesidades e os recursos vanse reducindo.
Os gastos de mantemento do equipamento informático, a redución  das cantidades asignadas nun 6% hai dous cursos e a conxelación no pasado ano son algunhas das causas. Pero o factor que máis incide son os gastos de gasóleo das calefaccións.
Desde que nos obrigaron a facernos cargo dos gastos de calefacción, o prezo do combustible aumentou ata case duplicar o prezo sen que as cantidades asignadas pola Consellería se vaian actualizando. Esta situación fai que para manter a calefacción nos colexios hai que reducir as partidas que destinamos ao funcionamento dos mesmos.
Na última reunión da FEGADICEP, que tivo lugar o 29 de febreiro de 2012, acordamos realizar unha enquisa, dirixida fundamentalmente aos centros infantil e primaria, para a que agradecemos a vosa colaboración.
O noso obxectivo é coñecer a situación real dos centros no que respecta aos gastos de funcionamento. Cando rematemos faremos públicos os resultados e demandaremos medidas para corrixir esta situación.
Se queredes colaborar neste estudio cubride o seguinte cuestionario en liña.